Коронавирусæй рынчынтыл суткæмæ бафтыд 71 адæймаджы

Коронавирусæй рынчынтыл Цæгат Ирыстоны бафтыд 71 адæймаджы. Æдæппæтæй сæ нымæц у 8 035. Æнæниздзинад хъахъхъæныны министрады хъусынгæнинагмæ гæсгæ, республикæйы дзæбæхгæнæндæтты ис 1285 адæймаджы. Уыдонæй Тагъд Æххуысы Клиникон Рынчындоны ис 621, COVID-мæ 70-йæ, реанимацийы 51 адæймаджы, аппаратты фæрцы улæфынц 9-æй. Республикон Клиникон Рынчындоны ныртæккæ ис 607 адæймаджы. Коронавирус дзы ис 91-мæ. Реанимацийы хайады 58 рынчыны.  Апараты фæрцы улæфынц 13-æй. Сывæллæтты Республикон Клиникон рынчындоны та 26 сывæллоны æмæ 12 хистæр кары адæймаджы. 23 сывæллоны æмæ 10 хистæр кары адæймагмæ рабæрæг кодтой коронавирус. Рахизфарсы районы дзæбæхгæнæндоны ис 19 адæймаджы. Тæссаг низ дзы рабæрæг 7-мæ. Бафтаудзыстæм ма уый, Битарты Вячеславы уынаффæмæ гæсгæ республикæйы дзæбæхгæнæндæтты бынæттæ фæфылдæр кæндзысты. Æнæниздзинад хъахъхъæнын министрады ныртæккæ кусынц пациентты маршрутизацийы пъланыл. Æппæт ивддзинæдты тыххæй журналисттæн радзырдтой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv