Дзæуджыхъæуы коммуналон службæтæ дарддæр сыгъдæг кæнынц уынгтæ мит æмæ ихæй

Митыл чидæртæ цин кæны, коммуналон службæты куыст та дзæвгар фæфылдæр. Зымæджы фæстаг мæй йæ хъару равдыста æххæстæй. «Спецæкосервис»-ы кусджытæ ныр дыккаг суткæ архайынц фæндæгтæ сыгъдæг кæныныл. Специалисттæ куыд зæгъынц, афтæмæй мит кæй нал уары, уымæ гæсгæ сæ куыст разындзæн. Æфснайынмæ рацыдысты дысон, æхсæвы 12 сахатыл. Боныхъæды фæстиуджытæ иуварс кæнынмæ коммуналон службæтæ рацыдысты æхсæвы 12 сахатыл. 7 сахатмæ сын бантыст Дзæуджыхъæуы Ирыстойнаг зылды уынгты хай митæй ныссыгъдæг кæнын. Фæндæгтыл ныппырх кодтой змис æмæ цæхх. Æдæппæтæй «Спецэкосервис»-æй архайы сæрмагонд техникæйы 15 иуæджы. Кусдзысты æнæхъæн бон дæр. Мит æнæрлæугæйæ уарыд цалдæр сахаты. Уымæ гæсгæ, специалистты куыст къуылымпы кодта. Техникæйы бон бакусын кæм нæу, уым мæрзынц адæм. Къахвæндæгтыл ногæй мит æруарыд æмæ цалдæр сахаты фæстæ ногæй аих сты. Ацы зымæджы мит афтæ уаргæ, зæгъæн ис, æмæ Дзæуджыхъæуы цæрджытæ фыццаг хатт федтой. Фæндæгтæ бырынцъаг сты. Уымæ гæсгæ фæндаггон змæлд æййафы къуылымпытæ. Социалон хызæгты апарахат сты фæндаггон фыдыбылызты видеоæрмæджытæ. Сæ аххосæгтæ сын бæрæг кæны падззахадон автоинспекци. Ахæм уавæрты уæлдай ахсджиаг у шофыртæ æмæ фистæгцæуджытæн лæмбынæг дæр уæвын фæндæгтыл. Фæндæгтæ сыгъдæг кæнынц дыккаг суткæ. Кусынц æфснайæн æмæ уæзласæн машинæтæ. Специалистты ныхæстæм гæсгæ, абон куыст æнцондæрæй цæудзæн. Мит нал уары, змисы руаджы та фæндæгты их тагъддæр атайдзæн. Горæты цæрджытæм сидынц, цæмæй æмбаргæ дæр уой, æмæ æдасдзинады домæнтæ æххæст кæной. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv