Республикæйы хицауады уæнгтæ æрдзырдтой æнæнымад куыст фæкъаддæры тыххæй мадзæлттыл

Цæгат Ирыстоны цæрджытæн куыст ссарын, уыимæ ног куысты бынæттæ саразыны хъуыддаг. Уымæ йе `ргом аздæхта республикæйы хицауады сæрдар Дзанайты Барис æнæнымад куыст фæкъаддæры тыххæй мадзæлттæ аразыны фæдыл ведомствоты 'хсæн къамисы æмбырды. Бæрнон кусджытæ скодтой хатдзæгтæ ивгъуыд азы архайдæн. Дзуапдæттæг комитеты сæрдар Платы Альбинæйы ныхæстæм гæсгæ, фæсаууонмæ чи кусы, уыдоны нымæц фарон уыд 14 мин адæймагæй фылдæр. Уыдонæй 10 мин адæймагæн куыст ссардтой. Дзанайты Барисы ныхæстæм гæсгæ, официалон æгъдауæй чи нæ кусы, уыдоны нымæц регионы у 30 минæй фылдæр. «Амалиуæггæнджытæ хъуамæ уавæрмæ кæсой бæрнондæр цæстæй», - фæнысан кодта премьер. Æппæты хуыздæр бæрæггæнæнтæ ацы лыггæнинаг фарстайы æвдисы Æрæфы район, йӕ фæстæ Рахизфарсы, дарддæр Дыгуры район. Экономикон рæзты министр Кучиты Зауыр та радзырдта æнæформалон куыстгæнджытыл рейдтæ кæй фæаразынц, уый тыххӕй. Тагъд рæстæджы специалисттæ æрзилдзысты Дзæуджыхъæуы 11 базарыл. Премьер бахæс кодта афæдзы кæронмæ æппæт оргæнты куыст дæр фæхуыздӕр кæнын, фæллойадон ахастдзинæдты райхалинаг фарстатæ аиуварс кæныныл бацархайын куыд республикон, афтæ муниципалон æмвæзадыл дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv