Цæгат Ирыстоны коронавирусæй рынчынтыл суткæмæ бафтыд 28 адæймаджы

Коронавирусы аххосæй ма Цæгат Ирыстоны ноджы иу адæймаг амард. Сылгоймаг уыд 1954-æм азы гуырд. 3-æм сентябры бахауд Тагъд æххуысы клиникон рынчындоны реанимацион хайадмæ. Рабæрæг æм кодтой коронавирус æмæ рæуджыты низ. Уыимæ ма, сæкæры низ, тыхсти йæ зæрдæйæ дæр. Улæфыд аппараты фæрцы. Дохтырты ныхæстæм гæсгæ, сылгоймаг уыд æвзæр уавæры. Медицинон æххуыс ын нæ фæбæззыд æмæ йæ цардæй ахицæн. Ивгъуыд суткæмæ коронавирус рабæрæг кодтой ноджы 28 адæймагмæ. Æдæппæтæй сæ нымæц ныртæккæ у 5 191. Республикæйы дзæбæхгæнæндæтты ис 294 адæймаджы. Уыдонæй Тагъд Æххуысы Клиникон Рынчындоны ис 271, COVID-имæ 33-йæ, реанимацийы 28 адæймаджы, аппаратты фæрцы улæфынц 13-æй. Сывæллæтты Республикон Клиникон рынчындоны ис 15 сывæллоны æмæ иу хистæр кары адæймаг. Коронавирус дзы рабæрæг кодтой 8-мæ. Иу хистæр кары адæймаг дæр дзы вирусæй фæрынчын. Рахизфарсы районы сæйраг рынчындоны та ис 7 адæймаджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv