Мæздæджы районы коммуналон хæдзарады кусджытæ цæттæ кæнынц фæззыгон-зымæгон рæстæгмæ

Мæздæджы район 40% -æн цæттæ у хъармгæнæн рæстæгмæ. Уыцы рæстæг райдайы, уæлдæфы температурæ 5 боны дæргъы 8 градусæй хъармæдæр куы нæ уа, уæд. Фыццаджыдæр хъарм ауадзынц скъолатæм, рæвдауæндæттæм, медицинон кусæндæттæм. Уый фæстæ æрцæуы бирæфатерон хæдзæртты рад дæр. Æппæты фæстагмæ батавынц промышленнон бæстыхæйттæ. Пъланмæ гæсгæ коммуналон хæдзарады объекттæ зымæгмæ бацæттæ кæнынæн рахай кодтой 35 милуан сомы. Йæхи ивддзинæдтæ бахаста коронавирусы пандемийæ дæр. Коммуналон лæггæдтæн адæм къаддæр фидын райдыдтой. Фæлæ уæддæр специалистты ныхæстæм гæсгæ, фæззæгмæ æппæт хъæугæ куыстытæ уазæлтты размæ конд æрцæудзысты. Багаты Герман, Мæздæджы районы администрацийы архитектурæ æмæ арæзтады, цæрæнуæтты-коммуналон хæдзарады хайады разамонæг: «Хъармгæнæн рæстæгмæ ныридæгæн цæттæ сты 82 бирæфатерон хæдзары. Уый у иумæйагæй æппæт хæдзæртты 30%. Æхсæз хъармгæнæны, хызæгты 24 км.  Уæдæ донцъирæн станцæтæ æмæ канализацион хызæгты цæттæдзинад дæр у 83%». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv