Льготæты хыгъдмæ чи хауы, уыдонæн сæ бон лæвар хостæ райсын у афтекæты

Льготæтæм гæсгæ хъæугæ хостæ райсынæн цы хъæуы? Кæдæм æмæ цавæр гæххæттытимæ хъæуы бацæуын рецепт исынмæ? Ацы стæй æндæр фæрстытæн нын дзуапп радта æнæниздзинад хъахъхъæныны министрад. Цæмæй дохтыр рынчынæн хъæугæ хостæ рафысса, уый тыххæй пациентмæ хъуамæ уа льготæ йын кæй æмбæлы, уый тыххæй гæххæтт. Зæгъæм ветераны, науæд та йе нæниздзинад хъыгдæрд кæй у, уый тыххæй æвдисæндар. Льготæты хыгъдмæ чи хауы, уыдонæн хостæ раттынц рецептмæ гæсгæ. Сæ райсыны та зынæй ницы ис. Льготæты хыгъдмæ цы хостæ хауы, уыдон æппынæдзух фылдæр кæнынц. Зæгъæм, æрæджы сæм хаст æрцыдысты сывæллæттæн тарниз дзæбæхгæнæн хостæ. Арæхдæр льготæты лæггæддæй пайда кæнынц æвзæрниз æмæ сæкæрнизимæ адæм. Хыгъдмæ ма хаст æрцыдысты коронавирусæй рынчын чи у, уыдон дæр. Льготæйы хуызы хостæ кæмæн æмбæлы, уыдонæн хостæ сæ бон у райсын 4-æм æмæ 82-æм афтекты. Стæй 4-æм поликлиникæйы. Диспансерон хыгъды чи лæууы, уыдоны та рецепт райсын хъæуы бæлвырд специалисттæй. Æхцайы пайдайæн иу хатт чи нæ райса социалон лæггæдты æххуыс, уымæн сæ йæ бон у сног кæнын. Лæвар хостæ исынæн хъæуы Пенсион фондмæ ныффыссын курдиат. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv