Сергей Меняйло раарфæ кодта Цæгат Ирыстоны мидхъуыддæгты ног министр Андрей Сергеевæн

Сергей Меняйло раарфæ кодта Цæгат Ирыстоны мидхъуыддæгты ног министр Андрей Сергеевæн. Республикæйы сæргълæууæг архайдта сæрмагонд æмбырды. Ацыд видеоконференцийы руаджы. Амыдта йæ Уæрæсейы мидхъуыддæгты министр Владимир Колокольцев. Андрей Сергеевы снысаны тыххæй сæрмагонд указ 2021-æм азы декабры бафыста Уæрæсейы президент Владимир Путин. Владимир Колокольцев ног министры размæ сæвæрдта ахсджиаг хæстæ. Куыд фæбæрæг кодта, афтæмæй техникон гæнæнтæ æмæ видеоцæстдардæй фылдæр хъæуы пайда кæнын, стæй бархионтæ адæмон дружинæтимæ хъуамæ æмгуыст кæной. Уымæй уæлдай, хъæуы фæндаггон фыдбылызты нымæц фæкъаддæр кæнын. Сергей Меняйлойы ныхæстæм гæсгæ, алы регионæн дæр ис йæхи куысты фæтк. Аразгæ у субъектты 'хсæн мидхъуыддæгты оргæнты разамынды æмгуыстыдæй. Республикæйы дæр уый ахсы егъау бынат. Куыд ма фæнысан кодта, афтæмæй Цæгат Ирыстоны мидхъуыддæгты министрады размæ цы хæстæ æвæрд ис, уыдон сты бæлвырд. Сæ сæххæст кæнынæн республикæйы хицауады 'рдыгæй цы 'ххуыс бахъæуа, уый, æнæмæнг, бакæндзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv