Æрыдоны районы байгом кодтой æфсæддон намысы цыртдзæвæн

Æрыдоны районы ныр 4-æм хатт байгом кодтой æфсæддон намысы цыртдзæвæн. Кадджын мадзалы архайдта нæ республикæйы сæргълæууæджы хæстæ рæстæгмæ æххæстгæнæг Сергей Меняйло. Фыдыбæстæйы Стыр хæсты æбæрæгæй чи фесæфт, уыдоны рымысгæйæ цыртдзæвæныл сæвæрдта дидинджытæ. 480 номы. Рассветы цӕрджытӕй Фыдыбæстæйы Стыр хæсты рæстæджы алчидæр йæ райгуырæн бæстæйы сæрвæлтау тох кодта хъæбатырæй. Ныр сæ нæмттæ æнусонгонд æрцыдысты къæйдурыл. Цыртдзæвæн байгом кӕнынмæ æрбацыд Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло. Æдзард хæстонты цытæн, сæ цард сæрибардзинады сæрвæлтау чи радта, уыдоны цыртыл сæвæрдта дидинджытæ. Æрыдоны районы стыр куыст кæнынц, Фыдыбæстæйы Стыр хæсты чи фæмард æмæ æбæрæгæй чи фесæфт, уыдоны сгуыхтдзинад сæнусон кæныныл. Ацы цыртдзæвæн районы у цыппæрæм. Ныридæгæн сбæрæг кодтой 1500 адæймаджы номы. Куыстытæ цæуынц дарддæр. 1942-æм азы, фæззæджы, Æрыдоны районы цыд тугкалæн хæст. Æрмæст Рассветы фæмарди мин советон хæстонæй фылдæр. Уыдоны нæмттæ историйы баззадысты хæстон историкты куыстыты фæрцы. Мемориалы арæзтадмæ стыр æвæрæн бахаста «РусГидро»-йы Цæгатирыстойнаг хайад дæр. Фыдыбæстæйы Стыр хæсты историимæ баст цыртдзæвæнтæм сæ хъус дарынц 2015-æм азæй нырмӕ. Уыцы рæстæгмæ снывыл кодтой æфсæддон намысы 10 бынаты. Куыстытæ цæуынц дарддæр. Бирæ нæмттæ хъæуы сбæрæг кæнын нырма. Æрыдоны районы цæрджытæ бузныг сты, ацы хъуыддаджы чи архайы ӕмӕ йӕм бар чи дары, уыдонæй се 'ппӕтӕй дӕр. Ныр хæстон намыс дарддæр хӕццӕ кӕндзӕн фæлтæрæй фæлтæрмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv