Бакулевы номыл центры специалисттæ æрцыдысты Цæгат Ирыстонмæ

Ультразвукы диагностикæ скæнын æмæ бæлвырд диагноз сæвæрын. Кæд медицинон кусӕнгӕрзтӕ нырыккон домӕнтӕн дзуапп нал дӕттынц, уӕддӕр цæгатирыстойнаг кардиологтæ диагноз ӕвӕрынц раст. Нæ дохтырты дæсныйады æмвæзадæн аргъ скодтой Бакулевы номыл центры специалисттæ. Мæскуыйаг дохтыртæ æрцыдысты республикæмæ дыууæ бонмæ. Сбæрæг кодтой сывæллæтты æнæниздзинад. Бæлвырддæр нæ уацхæсджытæ радзурдзысты. Рынчынтӕм ӕркаст райдайы фыццаг ультразвукы диагностикӕйӕ. Скӕны йӕ медицинон наукӕты кандидат Инесса Хачатурова. Дохтыртӕн ис хорз фадат мӕскуыйаг специалисттӕм кӕсын ӕмӕ сӕ фӕлтӕрддзинад бӕрзонддӕр кӕнын. Сӕ хъуыдымӕ гӕсгӕ, кӕд поликлиникӕйы медицинон кусӕнгӕрзтӕ нырыккон домӕнтӕн дзуапп нал дӕттынц, уӕддӕр диагноз ӕвӕрынц раст. Уый фӕстӕ диагностикӕйы бӕрӕггӕнӕнтӕм ӕркӕсы кардиохирург Максим Махалин. Куыд фӕнысан кодта, афтӕмӕй бынӕттон дохтыртӕ бӕрзонд ӕмвӕзадыл лӕууынц. Кӕронбӕттӕн хатдзӕгтӕ скӕны Бакулевы номыл центры сывӕллӕтты кардиолог Алексей Заграй. Кӕд ӕнӕмӕнг операции кӕнын фӕхъӕуы, уӕд сывӕллӕтты квотӕмӕ гӕсгӕ арвитынц федералон медицинон центрмӕ. Кӕд ын операци кӕнын нӕ фӕхъӕуы, уӕд та йын рафыссынц хостӕ. Ольгӕ Романовайы чызгмӕ рабӕрӕг кодтой гуырдзӕй рахӕсгӕ зӕрдӕйы низ. Уӕдӕй нырмӕ 15 азы рацыд. Дохтыртӕ йӕ сдзӕбӕх кодтой. Фӕлӕ Ольгӕйы бафӕндыд фӕлтӕрдджын дохтыртимӕ дӕр аныхас кӕнын. Бакулевы номыл центры специалисттӕ дыууӕ бонмӕ ӕркастысты республикӕйы 150 сывӕллоны ӕнӕниздзинадмӕ. Цӕмӕй сӕ рады лӕууын бирӕ мА бахъӕуӕ, уый тыххӕй алы районӕн дӕр скодтой сӕрмагонд график. Ацы хъуыддаг арӕзт ӕрцыд Цӕгат Ирыстоны ӕнӕниздзинад хъахъхъӕнынады министрады хъӕппӕрисӕй. Бынӕттон ӕмӕ мӕскуыйаг специалисттӕ куыд фӕнысан кодтой, афтӕмӕй ацы куыст дарддӕр дӕр ӕххӕст кӕндзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv