Сергей Меняйло фембæлд «Будущее Кавказа», зæгъгæ, клубы архайджытимæ

Сергей Меняйло фембæлд «Будущее Кавказа», зæгъгæ, клубы архайджытимæ. Фæсивæды минæвæрттæ республикæйы сæргълæууæгæн радзырдтой сæ проекттæ æмæ фидæнмæ регионы фæсивæдон политикæйы райрæзты пълæнтты тыххæй. Сергей Зиховы, ивгъуыд азы хатдзæгтæм гæсгæ, банымадтой Уæрæсейы афæдзы бархионæй. Коронавирусы пандемийæйы рæстæг республикæйы дæрддзæф хъæуты снысан кодта адæмæн æххуысы штабтæ. Акци «Волонтёры-медики»-йы фæлгæты бархионты къорд æххуыс кодта Республикон клиникон æмæ Цæгат Ирыстоны медицинон академийы клиникон рынчындæтты дохтыртæн. Хи хъахъхъæныны фæтк куы фæлæмæгъдæр, уæд та бархионтæ уæрстой маскæтæ. Сергей Меняйло бархионты куыстæн скодта стыр аргъ. Республикæйы цы проекттыл кусынц, уыдоны руаджы æрыгон адæм сæ царды гæнæнтæ уæрæхдæр кæнынц. Ахæм хуызы æмбырд ма ацæудзæн фæстæдæр ноджы уæрæхдæрæй. Хæстæгдæр рæстæг республикæйы разамонæг фембæлдзæн республикæйы фæсивæдон змæлды минæвæрттимæ. «Будущее Кавказа» проекты фæлгæты æмбæлдзысты Цæгат Кавказы лидертæ. Ахæм хуызы се ’мгуыстад æмæ ахстдзинад кæндзæн хъæддыхдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv