Бүлүү-Төҥүргэстээх экспедиция 25-26.08.1993

ВИДЕОАРХИВ: Дойдуларыгар Төҥүргэстээххэ. Суруналыыс, Россия суруйааччыта Георгий Васильев-Мандар дойдутугар, 1951 сылаахха көһөрүллүбүт Төҥүргэстээх нэһилиэгэр, кэлин хомулла тахса сылдьыылар тустарынан кэпсиир. 1951 сыллаахха 30 көстөөх сиртэн, аара 8 холкуостар баалларын үрдүнэн, улахан өрүһү нөҥүөлээн Бүлүү куоратын таһыгар 400-чэкэ киһини көһөрөн аҕалаллар. Төҥүргэстээх нэһилиэгэ күүһүнэн кэриэтэ көһөрүллүбүтэ билигин саарбахтаммат. Дьөҕөйөн, аатыгар эрэ, көҥүл өттүнэн көспүттэрин курдук дьыаланы көрдөрөр наадаттан, райкомтан тахсан хаста да м унньахтаабыттар, сөбүлэһиннэрэ, куоластата сатаабыттар. олохтоохтор, ордук сааһырбыт өттүлэрэ, отой сөбүлэспэт эбиттэр. Ол иһин, араастаан түүрэйдээн, ол быыһыгар куттаан, быһа-хото саҥаран, самнарыта этэн, сөбүлэһиннэрбит курдуктар. Ону туоһулуур мунньах боротокуола да, уурааҕа да суох. Билигин Төҥүргэстээхтэн төрүттээхтэр оҕолоро-уруулара ууһаан-тэнийэн, Өрөспүүбүлүкэ үрдүнэн, атын да сирдэринэн тарҕанан үлэлии-хамсыы, айа-тута сылдьаллар. 40-тан тахса сыл буолан баран төрөөбүт буорбутугар үктэниэхпит, дойдубут историятын сөргүтүүгэ аан бастакы хардыы оҥоруохпут диэн баҕа санаанан сиэттэрэн 1993 сыл атырдьах ыйын 25-26 күннэригэр Төҥүргэстээхтэн төрүттээхтэр бастакы тахсыыларын Бүлүү олохтооҕо Николаев Николай Иннокентьевич (Тииҥ Ньукулай) бииргэ сылдьан видеоҕа уһулан үйэтиппит. Бүлүү улууһа. Төҥүргэстээх. (25-26).08.1993 сыл.