Хуссар Ирыстоны коронавирусы ныхмæ тох кæнынæн радих кæндзысты 60 милуан сомæй фылдæр

Хуссар Ирыстоны бирæвæрсыг медицинон центры сырх зонæйæ рафыстой 13 адæймаджы. Æдæппæтæй коронавирусæй рынчынты нымæц центры у 154. Уый тыххæй хъусын кæны республикæйы сæйраг инфекционист Джиоты Элеонорæ. Бирæвæрсыг центры инфекцион хайады ныртæкæ ис 39 пациенты, сывæллæтты рынчындоны - 115. Реанимацийы хайады ис 12 адæймаджы. Аппаратты фæрцы улæфынц 2 пациенты. Сæ уавæр у уæззау. Ивгъуыд суткæмæ центрмæ бахауд 9 адæймаджы. Республикæйы коронавирусы ныхмæ тох кæнынæн радих кæндзысты 62 милуан сомы. Æмбæлгæ ивддзинæдтæ бюджетмæ бахаста парламент. Фæрæзты фылдæр хай бахардз кæныдзысты хостæ, медицинон кусæнгæрзтæ, вирусологон лабораторитæ æмæ къабазы кусджыты мыздыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv