Цæрынæн хуыздæр уавæртæ æмæ бизнесæн æнцон фадæттæ саразын сты Æфснайæн банчы раззагдæр нысæнтæ

Цæрынæн хуыздæр уавæртæ æмæ амалхъомадæн æнцон фадæттæ саразын. Ахæм хæс йæ размæ æвæры Уæрæсейы Æфснайæн банк. Йæ республикон хайады разамонæг Амиран Левитский уый тыххæй абон радзырдта республикæйы сæргълæууæг Битарты Вячеславæн. Ивгъуыд азы уæлдай æххуыс кодтой, хи куыстуæттæ кæмæ ис, уыцы адæмæн. Паддзахадон программæты бацархайдтой 160 корпоративон пайдагæнæджы, уымæй уæлдай æфстау æхца радтой 207 милуан сомы бæрц, 350 амалхъом адæймагæн та скодтой реструктуризаци. Уæдæ ма хицæн адæймæгтæн лæвæрд кредиттæ дæр фæфылдæр кодтой. 2 мин 330 бинонтæ банчы `ххуысæй фæхуыздæр кодтой сæ царды уавæртæ. Уыдонæй 19 архайдтой ипотекæйы программæты. Сæрмагондæй сыл бакуыстой арæзтад æмæ архитектурæйы министрадимæ. Битарты Вячеслав банчы разамонæгæн загъта бузныг, амалхъом адæмы раз кæй æрбалæууыдысты коронавирусы инфекцийы пандемийæйы рæстæг, уый тыххæй. Амиран Левитский радзырдта хъæуы цæрджытæн арæзт банчы дыууæ ногдзинады тыххæй: уæйгæнæн рæтты æхца æфстау исыны æмæ банчы картæйæ цæрæнуæтты коммуналон лæггæдтæн бафидыны фадæттæ. Ныридæгæн уал уыдæттæй сæ бон спайда кæнын у 22 хъæуы цæрæгæн. Фембæлды рæстæг ма æрдзырдтой Цæгат Ирыстоны нырыккон инфраструктурæ æмæ нымæцон ногдзинæдты райрæзтыл. Уыимæ ма Амиран Левитский æмæ Битарты Вячеслав баныхас кодтой банчы Корпоративон университеты республикæйы хицауады уæнгты ахуырадыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv