Цæгат Ирыстоны йæ тыхы бацыд гамхудтæ дарыны фæтк

Абонæй фæстæмæ Цæгат Ирыстоны йæ тыхы бацыд гамхудтæ æнæмæнг дарыны фæтк. Уый тыххæй бардзырд бафыста республикæйы сæргълæууæг Битарты Вячеслав. Документмæ гæсгæ базарадон объекттæ æмæ кусæндæтты уæвгæйæ адæмы дарын хъæудзæн медицинон маскæтæ æмæ æрмкъухтæ. Уый хауы æхсæнадон транспортмæ дæр. Хи бахъахъхъæныны домæнтæ куыд æххæстгонд цæуынц, уымæ цæст дардзæн Промышленность æмæ транспорты министрад, уыимæ бынæттон хиуынаффæйад æмæ экономикон райрæзты министрад. Цæмæй коронавирус адæмыл ма парахат кæна уый тыххæй Цæгат Ирыстоны фæкарздæр зианмæ цæуыны æгъдау. Ахæм уынаффæ рахастой Уæрæсейы фæлхасгæнджытæм цæстдарды бынæттон хайады минæвæрттæ. Амынд дзы куыд ис, афтæмæй зиан æфснайыны хъуыддæгтæ чи кæна, стæй йæ бонмæ чи `рбамбырд уа, уыдоныл ног уаг н` ахады. Уыимæ 65 азæй фылдæр кæуыл цæуы, уыдонмæ сидынц се `нæниздзинад бахъахъхъæнын æмæ хæдзары лæууын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv