РЦИ-Аланийы сæргълæууæджы хæстæ рæстæгмæ æххæстгæнæг Сергей Меняйло фембæлд регионы журналисттимæ

Гыццыл раздæр кæронмæ æрхæцæ республикæйы сæргълæууæджы хæстæ рæстæгмæ æххæстгæнæг Сергей Меняйлойы фембæлд Цæгат Ирыстоны журналисттимæ. Регионы разамонæджы размæ рахастой республикæйы цæрджыты риссагдæг æмæ ахсджиагдæр фарстатæ. Фыццаг уыд медицинæйы къабазимæ баст. Сергей Меняйло куыд фæнысан кодта, афтæмæй бакусын хъæуы медицинæйы модернизацийыл. Системæ фæткмæ гæсгæ куы куса, уæд республикæйы цæрджыты медицинон æххуыс исынмæ нæ бæстæйы æндæр горæттæм цæуын нал хъæудзæн. Цæгат Ирыстоны ма бакусдзысты транспортон пълан скæныны документацийыл. Уый фæрцы республикæйы бон уыдзæн транспорт сног кæныны программæты архайын. Афтæмæй регион рахиздзæн транспортон ифтонгады ног æмвæзадмæ. Сергей Меняйло ма фæнысан кодта республикæйы социалон-экономикон рæзты фарстатæ. Йæ хъуыдымæ гæсгæ, национ проекттæ æмæ къабæзты райрæзты программæтимæ хъæуы бакусын комкоммæ хуызы æмæ бæстондæр. Уымæ гæсгæ 2022 азы бюджет дæр нысангонд æрцæудзæн программæтæм гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv