Терчы былгæрон фӕлгӕсӕн бынат цалцæг кæнынц

Дзӕуджыхъӕуы дарддӕр аив кӕнынц Терчы доныбылгæрон. Цалцæджы радон къӕпхӕн — ротондӕйы рацарӕзт. Уый у горӕты цӕрджытæ æмæ уазджыты уарзон фӕлгӕсӕн бынат. Зынынц дзы Ирыстоны цӕугӕдон ӕмӕ хӕхтӕ. Кусджытӕ ныридӕгӕн райдыдтой зӕронд конструкцитӕ халын. Уый фӕстӕ сцалцӕг кӕндзысты къултӕ ӕмӕ асинтӕ. 3 уæладзыгæй алкӕцыйы дӕр уыдзæн рухсытæ. Æхсæвыгон-иу бахахх кӕндзысты объекты архитектурон хицӕндзинӕдтӕ. Афтæ ротондæ бынæттон цӕрджытӕ ӕмӕ уазджытӕн зæрдæмæдзæугæдæр суыдзæн. Куыстытӕ кӕнынц муниципалон программӕ "Хӕрзвадат ӕмӕ цъӕхфӕлыст"-мӕ гӕсгӕ.