Сергей Меняйло ирон æвзаг æмæ литературæйы боны фæдыл арфæ ракодта республикæйы цæрджытæн

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло ирон æвзаг æмæ литературæйы боны фæдыл арфæ ракодта республикæйы цæрджытæн. Бæрæг æй кæндзыстæм 15-æм майы. Сергей Меняйло куыд загъта, афтæмæй ацы бæрæгбонæн стыр нысаниуæг ис нæ республикæйы царды, ирон адæмы хъысмæты. Арф хъуыды ис йæ бындуры: ирон адæмы культурæйы хæзнатæн аргъ кæнын, фæлтæрæй-фæлтæрмæ сæ арæхстгай дæттын, фыдæлты хорз æгъдæутты бындурыл фæсивæды хъомыл кæнын. Бæрæгбон кæд иу бон вæййы, уæддæр, Сергей Меняйлойы хъуыдымæ гæсгæ, нæ хæс у ирон æвзаг æмæ культурæ парахат кæнын, фыдæлты кад æмæ намысы аккаг уæвын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv