Дзæуджыхъæ уы æфсæддон госпиталы цæуы службæгæнæг салдатты вакцинаци
Дзæуджыхъæуы службæ чи цæуы, уыцы сиддонтæ вакцинацийы сертификат райсдзысты æртæ къуырийы фæстæ. Æфсæддон госпиталы фыццаг компонент скодтой 800 салдатæн. 500 адæймагæн сæ вакцинаци кæронмæ æрхæццæ. Николай Фарафонов Дзæуджыхъæумæ службæ кæнынмæ ссыд Липецкæй. Иннæ сиддонтимæ æрбацыд вакцинаци кæнынмæ. Æфсæддон госпиталы Николай скодта прививкæйы фыццаг компонент. «Спутник V»-йы дыккаг хай скæндзæн æртæ къуырийы фæстæ. Уый фæстæ йын ратдзысты вакцинацийы сертификат дæр. Николайы ныхæстæм гæсгæ, йын ныр тæссаг нал у коронавирусæй фæрынчын уæвынæй. Яков Нейман дæр у Липецкæй. Вакцинацимæ æрбацыд барвæндонæй. Тæссаг низæй фæрынчын уæвын æй нæ фæнды. Уырны йæ, прививкæйæн уæззау фæстиуджытæ кæй нæй, уый. Æфсæддон госпиталы цæуы сиддонты вакцинаци. Фыццаг компонент ныридæгæн скодтой 800 адæймаджы. 500 службæгæнæджы вакцинацигонд æрцыдысты æххæстæй. Иу бонмæ прививкæ скæнынц 200 æфсæддонæн. Ковиды ныхмæ мадзæлттæ госпиталы цæуынц æрвылбон. Привикæйы фæстæ салдæттæн радтой сæрмагонд хъусынгæнигтимæ сыфтæ. Фыст дзы ис «Спутника V»-ы компонентты тыххæй информаци. Кæд адæймаг йæхи æнахуыр æнкъара, уæд дзы ис дохтыры телефон дæр. Æвæстиатæй йæм ис бадзурæн. Вакцианци госпиталы райдыдта ивгъуыд аз декабры. Авд мæймæ прививкæ скодтой 12 мин адæймагæн. Се ’хсæн æфсæддонтæ, граждайнаг персонал æмæ æфсæддонты бинонтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv