Мидхъуыддæгты министрады сæрмагонд æмбырды æрдзырдтой коронавирусы уавæрыл

Коронавирус ма руадзыны тыххæй æрныхас кодтой Мидхъуыддæгты министрады сæрмагонд æмбырды. Сæрдариуæг дзы кодта Михаил Скоков. Низимæ тохы рæстæг службæтæн ахсджиаг Фæлхасгæнджытæм цæстарды управлени, Æнæниздзинад хъахъхъæнынад æмæ æххæстгæнæн органтимæ æмгуыст кæнын. Михаил Скоков куыд фæнысан кодта, афтæмæй фыццаджыдæр хъæуы бацархайын, цæмæй адæм уыдаист ма фæуой, уыимæ уавæрмæ куыдфæндыйы цæстæй дæр ма кæсой. Адæмимæ специалисттæ кусынц, æмбарын сын кæнынц уавæры тыххæй. Фылдæр æргом здахынц, интернеты мæнг хъусынгæнинæгтæ чи парахат кæны, уыдонмæ. Цæстфæлдахджыты куы рабæрæг кæной, уæд сæ бафхæрдзысты закъонмæ гæсгæ. Министрады кусджытæ сæ цæст дарынц республикæмæ æндæр регионтæй цы транспорт цæуы, уымæ. Æххæст кæныц Уæрæсейы президент æмæ республикæйы сæргълæууæджы бардзырдтæ æмæ амынддзинæдтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv