Дзæуджыхъæуы ацыдысты ивазæнтæй ерыстæ

Дзæуджыхъæуы ацыдысты ивазæнтæй ерыстæ. Архайдтой дзы 30 адæймагæй фылдæр 18 азæй - 21 азы онг. Уыдоны ’хсæн - республикæйы районтæй дæр. Ерыстæ арæзт æрцыдысты Национ спорты хуызты федераци æмæ Дзæуджыхъæуы физикон культурæ æмæ спорты комитеты хъæппæрисæй. Ацы æвзæрстыты чи фæуæлахиз уа, уыдон дарддæр архайдзысты Уæрæсейы чемпионаты. Ирон адæм ахуыр сты хъæбысæйхæцджытыл, футболисттыл æмæ ма суанг хоккеисттыл дæр. Фæлæ ивазæнтæ нырма парахат кæнын ныр райдыдтой. Цыбыр рæстæгмæ ивазæнтæн фæзынд йæхи спортуарзджытæ. Ацы спорты хуызы сæ тыхтæ бавзарын кæй фæнды, уыдон гыццыл не сты. Се ’хсæн æрмæст лæппутæ нæй, фæлæ ма чызджытæ дæр. Гаглойты Каринæ ацы спортимӕ базонгӕ афæдзы размӕ. Раздæр та хъазыд волейболæй. Ивазæнтæн ис хи хьуыдыкӕнынад ӕмӕ æгъдæуттæ, зæгъынц атлеттæ. Цæмæй фæуæлахиз уай, уый тыххæй ныхмæлæууæгимæ тыхты æмвæзад хъуамæ бауромай. Куыд иннæ спорты хуызты, афтæ ам дæр хъæуы къæрцхъус уæвын. Карсанаты Иналбег ацы спорты архайы 3 мæйы. Йӕ ныхӕстӕм гӕсгӕ, йæ зæрдæмæ тынг цæуы. Йӕхи кӕй ныццафта, уый дӕр ӕй нӕ баурӕдта, ӕмӕ ерыстӕм ацыд. Ивазæнты архайынц суанг æвзонг спортсментæ дæр. Цгъойты Æхсæртæгыл цæуы 9 азы. Спорты йæ фæндаг райдыдта ивазæнтæй. Ерысты архайдтой 30 адæймаджы. 18 азæй - 21 азы онг спортсментæ. Уыдысты Дзæуджыхъæу æмæ республикæйы районтæй. Мадзал саразджытæ куыд бафиппайдтой, афтæмæй спортсментæ æвдисынц хорз цæттæдзинад. Ацы æвзæрстыты чи фæуæлахиз уа, уыдон дарддæр архайдзысты Уæрæсейы чемпионаты. Арӕзт ӕрцӕудзӕн Дзæуджыхъæуы, ноябры райдиан. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv