Бæрнон кусджытæ кæсынц адæм санитарон домæнтæ куыд æххæст кæнынц, уымæ

Маскæтæ æнæмæнг дарыны фæтк æмæ санитарон домæнтæ куыд æххæст кæнынц, уымæ æппынæдзух сæ цæст дарынц Фæлхасгæнджытæм цæтдарды управлени æмæ Мидхъуыддæгты министрады кусджытæ. Иумæ Дзæуджыхъæуы аразынц рейдтæ. Уый тыххæй скодтой сæрмагонд кусæг къордтæ. Ацы хатт бабæрæг кодтой базарадон объекттæ. Кастысты хи хъахъхъæнæн фæрæзтæй иууылдæр ифтонг сты æви нæ, уымæ. Стæй социалон дистанцийæн нысæнттæ конд сты æмæ информцион сыфтæ адæмæн уарынц æви нæ, уымæ дæр. Æппæты ахсджиагдæр у, цæмæй дуканиты æмæ базарты æппынæдзух дезинфеки кæной, ифтонг уой уæлдæф сыгъдæггæнæнтӕй. Адæмимæ бæрнон кусджытæ кæнынц æмбарынгæнæн ныхас. Дзурынц сын, ныртæккæ маскæ дæрын цас пайда у, уый тыххæй. Уæ зæрдыл уын æрлæууынц кæндзыстæм, хи хъахъхъæнæн фæрæзтæй æнæмæнг пайда кæнын хъæуы æхсæнадон бынæтты – æрлæууæнты, æхсæнадон транспорты, базартӕ æмæ дуканиты, хæрæндæттӕ æмæ афтекты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv