«Уæллаг Ларс»-ы рацарæзты фарстатыл Сергей Меняйло æрдзырдта Транспорты министрады минæвæрттимæ

Цæстдарæн-уадзæн пункт «Уæллаг Ларс»-ы рацарæзты фарстатыл республикæйы сæргълæууæджы хæстæ рæстæгмæ æххæстгæнæг Сергей Меняйло кусæг фембæлды рæстæг æрдзырдта Уæрæсейы транспорты министрад æмæ «Росгранстрой»-ы минæвæрттимæ. Дзуапдæттæг кусæндæтты уæнгтæ куыд фехъусын кодтой, афтæмæй сæ хæстæ æххæст кæнынц фæткмæ гæсгæ. Хъуамæ сæ фæуой 2022-æм азы кæронмæ. Проектмæ гæсгæ бафтдзæн фæндаджы тæлмтыл дæр. Ныртæккæ сты цыппар, фæлæ суыдзысты 13. Рог æмæ бæлццæттæ ласæн хæдтулгæтæн та 10-æй схиздзысты 26-мæ. Бафтдзæн ма уæзласæн хæдтулгæты æрлæууæн бынæттыл дæр. Афтæмæй æппæт мадзæлтты руаджы суткæмæ пункт уадздзæн 3 мин 800 хæдтулгæйы. Æмбырды архайджытæ ма дзырдтой уадзæн пункт Терчы цæугæдонæй бахъахъхъæныныл дæр. Афтæ ма магистралон газуадзæн хæтæлы бындурон цалцæгыл. Сергей Меняйло куыд фæнысан кодта, афтæмæй цæттæ у баххуыс кæнынмæ æппæт фарстатæ аиуварс кæнынмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv