Битарты Вячеслав архайдта Паддзахадон советы æмбырды

Цæгат Ирыстоны сæргълæууæг Битарты Вячеслав архайдта Паддзахадон совет, стæй Стратегион рæзт æмæ национ проектты советы иумæйаг æмбырды. Разамынд ын лæвæрдта Уæрæсейы президент Владимир Путин. Паддзахадон советы ног кондæн уыд фыццаг æмбырд. Дзырдтой, коронавирусы рæстæг фидæны пълæнттæ куыд сæххæст кæной, ууыл. Президенты ныхæстæм гæсгæ, социалон æмæ экономикон райрæзтыл бакусыны тыххæй советы архайынц сæрмагонд къамистæ. Сæ сæргъы сты регионты разамонджытæ. Президент ма фехъусын кодта, 2030-æм азмæ рæзты пълан кæй адæргъвæтин кодтой, уый. Сæйрагдæр дзы сты инфраструктурæйы рæзт, экологи æмæ нымæцон ивддзинæдтæ. Уæрæсейы хицауады сæрдар Михаил Мишустин радзырдта, Национ нысæнтты тыххæй иумæйаг пъланыл куыст кæй фесты, уый тыххæй. Сæмбырд дзы кодтой президенты бардзырды хæслæвæрдтæ иууылдæр. Уыцы пълан сæххæст кæныныл 3 азмæ бахардз кæндзысты 39 триллион сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv