Хуссар Ирыстоны коронавирусæй рынчынтыл бафтыд 25 адæймаджы

Хуссар Ирыстоны та коронавирусæй рынчынтыл бафтыд 25 адæймаджы. Сæрмагонд лабораторийы сарæзтой 130 иртæсты, 25 дзы равдыстой коронавирусы бæрæггæнæнтæ. Уый тыххæй хъусын кæны Хуссар Ирыстоны фæлхасгæнджытæм цæстдарды службæйы разамонæджы хæдивæг Гаглойты Аннæ. Æдæппæтæй коронавирусæй рынчынты нымæц республикæйы у 1650. Сентябрæй нырмæ вирусæй сдзæбæх сты 372 адæймаджы. Ныртæккæ республикæйы æххæст кæнынц маскæтæ дарыны фæтк. Æхгæд сты æппæт ахуыргæнæндæттæ, хицæн райдиан кълæстæ æмæ рæвдауæндæтты къордтæй уæлдай. Нæ кусынц сывæллæтты ирхæфсæн центртæ, компьютерон клубтæ, физкультурæ æмæ спорты объекттæ. Ахæм фæтк адæргъвæтин кодтой 15-æм декабрмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv