Фæлхасгæнджытæм цæстдарды управленийы специалисттæ бæрæг кæнынц æхсæнадон транспорты санитарон уавæр

Короновирусимæ баст уавæр республикæйы тæссагдæр кæны. Æмæ кæд Цæгат Ирыстоны рынчынты нымæц, иннæ регионтимæ абаргæйæ, бæрзондыл нымад нæу, уæддæр Фæлхасгæнджытæм цæстдарды управленийы кусджытæ æрвылбон расидынц рейдтæ. Бæрæг кæнынц, санитарон домæнтæ куыд æххæстгонд цæуынц, уый. Фæткмæ гæсгæ, адæм бирæгæйттæй кæм æмбырд кæнынц, уым хъæуы социалон дистанци æххæст кæнын. Бæлцæттæй сæ фылдæр - маскæты, фæлæ æнæ уагхæлдтытæй дæр нæ вæййы. Æхсæнадон транспорты бæрæг кæнынц шофыртæм æмæ бæлцæттæм ис маскæтæ æви нæй, уый. Кæд фæткхæлдтытæ разыны, уæд ныффысынц протокол. Рейды архайынц Уæрæсейы фæлхасгæнджытæм цæстдарды управленийы специалисттæ, пъæлицæйæгтæ, уыимæ промышленность æмæ транспорты министрады минæвæрттæ. Ахæм мадзæлттæ арæзт цæуынц æрвылбон. Æдæппæтæй 2 кусгæ къорды. Сæрмагонд редтæ цæуынц 23 июнæй фæстæмæ. Уый тыххæй бадзырд бафыста нæ республикæйы сæргълæууæджы хæстæ рæстæгмæ æххæстгæнæг Сергей Меняйло. Боны дæргъы æркæсынц 70 хæдтулгæйы уавæрмæ. Специалистты ныхæстæм гæсгæ, маскæтæ чи дары уыдоны нымæц фылдæр кæны. Уый та эпидемиологон уавæрыл фæбæрæг уыдзæн хуыздæрырдæм. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv