Дзæуджыхъæуы социалон лæггæдты центр расидт хæрзаудæн акци «Подари билет ребёнку»

Ног азы къæсæрыл бæхты театр «Нарты» сабитæн лæвар кæны радон премьерæ. Ацы хатт æрыгон театрдзауты суазæг кодтой спектакль «Али-Баба æмæ абырджытæ». Хурæскæсæйнаг аргъаумæ бакæсыны фадат ис хæрзаудæн акцийы руаджы дæр. Дзæуджыхъæуы социалон лæггæдты центр расидт акци «Сабийæн билет балæвар кæн», зæгъгæ. Сывæллæттæн билеттæ балхæдтой алыхуызон куыстуæттæ æмæ зæрдæхæлар адæм. Сабитæ се 'нкъарæнтæ раргом кодтой нæ уацхæссæг Дзæдзойты Фатимæйæн. Æрыгон театрдзаутæ цымыдисæй кæсынц Хурыскæсæйнаг аргъауы цаутæм. «Али-Баба æмæ абырджытæ» у бæхты театр «Нарты»-йы ног премьерæ. Залы иу уæгъд бынат дæр нæй. Бирæтæ сæ ам сты фыццаг хатт. Театры аивадон къорды аргъауы уылты фæнды сабитимæ аныхас кæнын. Спектаклы фæрцы сын æмбарын кæнынц, зын сахаты адæймаджы фарсмæ куы 'рбалæууай, уæд дæхæдæг дæр дæ тыхсты иунæг кæй нæ уыдзынæ. Æрвылаз ног азы агъоммæ Дзæуджыхъæуы Терчы фалейæ районы социалон лæггæдты центр расиды акци «Сабийæн билет балæвар кæн», зæгъгæ. Афтæмæй алыхуызон куыстуæттæ æмæ зæрдæхæлар адæм æххуысцух бинонты сывæллæттæн билеттæ балхæнынц. Спектакль дисы æрмæст сывæллæтты нæ бафтытда, фæлæ йæ сабидугæй раджы чи сырæзт, уыдонæн дæр. Æппæтдæр æнхъæлмæ кæсынц ног равдыстмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv