Йæ цардæй ахицæн Фыдыбæстæйы Стыр хæсты ветеран Мамсыраты Ислам

Нæ программæ райдайдзыстæм æнкъард хабарæй. 102-аздзыдæй йæ цардæй ахицæн Фыдыбæстæйы Стыр хæсты ветеран Мамсыраты Ислам. Дæргъæвсаг лæппу фронтмæ ацыд æфсæддон училищæйы фæстæ. Службæ кодта æфсæддон-уæлдæфон тыхты. 1943-æм азы йæ арвыстой украинаг фронтмæ. Архайдта Советон армийы раззагдæр тохты. Хорзæхгонд уыд бирæ майдантæй, се 'хсæн майдан «За отвагу». Хæсты фæстæ Мамсыраты Ислам архайдта хъæууон хæдзарады къабаз сног кæныныл, куыста фæсивæды патриотон хъомыладыл. Йæ хæстон хæлæрттыл, Фарныхъæу æмæ Мамсыраты мыггагыл ныффыста чингуытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv