Æппæтуæрæсеон марафон #ОставайсяДонором дарддæр цæуы нæ республикæйы

Æппæтуæрæсеон марафон #ОставайсяДонором дарддæр цæуы нæ республикæйы. Йæ аразджытæ – «Молодёжка ОНФ». Æххуыс сын кæны Федералон медикон-биологон агентад. Акци ацæудзæн абон æмæ 28 августы.  Архайдзысты дзы нæ бæстæйы æппæт регионтæ. Туг дæттыны размæ адæймаг сбæрæг кæны йæ æнæниздзинады уавæр. Дохтыр æм рагагъоммæ æркæсы, æмæ сфæлхат кæны, ис ын туг раттыны бар, æви нæ. Кæд разыйы дзуапп райсы, уæд æй арвитынц донорты уатмæ. Зын æмæ уæззау низтæ кæмæн ис, уыдонæн туг раттыны бар нæй. Туг чи радта, уый та райсы æвдисæндар, адджинаг æмæ иу чысыл æхца. Уыимæ ма «Молодёжка ОНФ»-ы бархионтæ, туг чи ратта, уыдонæн саразынц викторинæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv