Программæ «Хистæр фæлтæр» æххæст кæнынц

Национ проекты фæлгæты сæрмагонд программæ «Хистæр фæлтæр» нæ республикæйы куыд æххæстгонд цæуы, ууыл ныхас кодтой Цæгат Кавказы федералон зылды æмбырды. Уæлæмхасæн ахуырад æмæ йæ фæстæ ног куысты бынат ссарыны ахуыртæ цæуынц, национ проект «Демография»-йы фæлгæты цы программæ æххæст кæнынц, уый руаджы. Проекты сæйраг хæс - ацæргæ адæмы нымæц 2030 -æм азмæ фæфылдæр кæнын. Цæмæй уæрæсейæгтæ рæстæмбис нымадмæ гæсгæ цæрой 78 азы онг. Онлайн æмбырды архайдтой Цæгат Кавказы республикæтæй æнæниздзинад хъахъхъæныны министрадты минæвæрттæ. Программæйы хъомысæн дарддæр дæр арæзт цæудзæн алыхуызон мадзæлттæ. Æмбырды архайдта æнæниздзинад хъахъхъæныны министр Годжыцаты Тамерлан. Йæ ныхæстæм гæсгæ, ивгъуыд аз Цæгат Ирыстон æппæт нысангонд мадзæлттæ дæр сæххæст кодта. Фидæны нырма ис бирæ куыст. Афтæмæй нæ республикæйы фæзындзæн гериатрикон центр. Æнæниздзинад хъахъхъæныны министрады бардзырдмæ гæсгæ, фæзынд, 65 азæй фылдæр кæуыл цæуы, уыцы рынчынтæн бынæтты фонд. Хистæр кары адæм дзæбæх кæнынæн æппæт фадæттæ дæр ис. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv