Цæгат Ирыстоны райдыдта конкурс «Наша Победа 80»

Абон райдыдта æппæтуæрæсеон конкурс «Наша Победа 80». Кадджын мадзалы йæ байгом кодтой Дзæуджыхъæуы Барбашовы фæзы. Саккаг æм кодтой уазджытæ Мæскуыйæ, Забайкальск æмæ Краснодары крайæ, Хъырымæй æмæ æндæр рæттæй. Конкурсы архайджытыл цæуы 14-æй 35 азы онг. Сты Уæрæсейы æмæ хæстæгдæр бæстæты минæвæрттæ. Конкурс «Наша Победа 80» арæзт у, цæмæй абон мах, хæдбар паддзахады цæргæйæ, бузныг уæм, Фыдыбæстæйы Стыр хæсты нын уæлахиз чи балæвар кодта, уыцы адæмæй. Хæстон цард æмæ фæндæгтимæ баст цаутæ дзы æвдыст цæуынц нывты, радзырдты æмæ видеоæрмæджыты хуызы. Мемориалон комплекс Барбашовы фæзмæ экскурси рауад цымыдисаг. Уазджытæ уал федтой аллейы æвдыст 79 хъайтары хуызисты. Уыдон иууылдæр рацыдысты Цæгат Ирыстонæй. Дарддæр - мемориалы хæстон-историон хай - 23-аздзыд сыбираг лæппу Пётр Барбашов йæ риуæй цы дзот сæхгæдта, уый. Уазджытæм цымыдисаг фæкаст Фыдыбæстæйы Стыр хæсты техникæйы музей дæр. Дарддæр делегацийы уæнгтæ сæвæрдтой дидинджытæ Советон Цæдисы хъайтар Пётр Барбашовы цыртдзæвæныл. Райгуырæн бæстæйы сæраппонд йæ цард чи ратта, уыдоны рухс ном æрымысыд республикæйы сæргълæууæджы хæстæ рæстæгмæ æххæстгæнæг Сергей Меняйло дæр. Мадзалы сæйраг хайы фæстæ райдыдта конкурс «Наша победа 80», зæгъгæ. Цæгат Ирыстон дзы æнтыстджынæй архайы. Республикæйы йæм здахынц стыр æргом. Кавказ фашисттæй хъахъхъæнгæйæ, Севетон хæстонтæ Дзæуджыхъæуы равдыстой стыр хъæбатырдзинад. Конкурсы райдианмæ Ирыстоны сфæлдыстадон къордтæ сæхи бæстонæй бацæттæ кодтой. Мадзалмæ Симферополæй æрцыд конкурс «Наша победа 75»-йы фыццаг уæлахиздзау Лилия Глушко. Фæсивæдæн йæ фæлтæрддзинад не 'вгъау кæны, уымæн æмæ йæ фæнды, цæмæй фылдæр кусой сæ патриотон хъомыладыл. Конкурс «Наша победа 80» сарæзтой фæсивæды патриотон хъомыладæн. Бацархайыны бар дзы ис Уæрæсейы æппæт регионтæ æмæ хæстæг фæсарæнты минæвæрттæн. Конкурсон куыстытæ сты алыхуызон. Се 'хсæн радзырдтæ, нывтæ, наукон-иртасæн проекттæ, видеоæрмæджытæ. Фенæн сæ уыдзæн сайт «Поколение уверенного будущего»-йы. Жюрийы хатдзæгтæм гæсгæ, уæлахиздзаутæ сбæрæг уыдзысты фæззæджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv