Сергей Меняйло бабæрæг кодта Дзæуджыхъæуы бирæвæрсыг центртæй иу

Сергей Меняйло бабæрæг кодта Дзæуджыхъæуы бирæвæрсыг центртæй иу. Федта куысты фæтк, æрныхас кодта специалисттимæ. Уæлдай æргом аздæхта адæмæн паддзахадон æмæ муниципалон лæггæдты хæрзхъæддзинадмæ. Базыдта, пайдагæнджытæ центры куыстæй разы сты æви нæ, уый. Æдæппæтæй республикæйы кусы бирæвæрсыг центрты 11 филиалы æмæ 211 хайады. Бирæвæрсыг центрты руаджы цæрджытæн фадат ис хъæугæ документтæ снысан кæнын, фиддонтæ райсын æмæ æндæр паддзахадон лæггæдтæй спайда кæнын. Сергей Меняйломæ фиппаинæгтæ разынд. Центрты бæстыхæйттæн сæ фылдæр ист сты хаццоны. Афтæмæй, республикæйы разамонæджы ныхæстæм гæсгæ, фæрæзтæ хардзгонд цæуынц дзæгъæлы. Ацы фарстайыл æрдзурсты хицауады æмбырды. Иу хъуыддаг ма у – республикæйы цæрджытæн центртæм бахауыны фадат саразын. Уыимæ къуылымпыдзинæдтæ фылдæр æййафынц районты цæрджытæ. Сергей Меняйло куыд бафиппайдта, афтæмæй лæггæдтæ æнтыстджынæй раивой электрон хуызмæ. Цæмæй сæ дистанцион хуызы спайда кæнæн уа цыфæнды афон дæр. Ахджиагдæр у цæрджыты удæнцой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv