Дзæуджыхъæуы базарадон экономикон техникумы ацыд хæлардзинады бæрæгбон

Дзæуджыхъæуы базарадон-экономикон техникумы ахуыр кæны бирæ адæмыхæттыты минæвæрттæ. Иумæйагæй сарæзтой «Техникум - нæ иумæйаг хæдзар», зæгъгæ, бæрæгбон. Ахæм хуызы равдыстой хæларæй кæй цæрынц, уый. Мадзалмæ алчидæр кæсгон уа, украинаг æви сомихаг, йæ равдыст бацæттæ кодта мадæлон æвзагыл. Фидæны хæринаггæнджытæ, хуыйджытæ, экономисттæ, бугалтертæ, эксперттæ. Базарадон-экономикон техникумы æрæмбырд сты æппæт къордты студенттæ. Бацæттæ кодтой презентацитæ сæ ахуыры фæндагыл æмæ фидæны дæсныйæдтыл. Суанг ма æмдзæвгæтæ дæр фæдзырдтой, фæкафыдысты æмæ фæзарыдысты. Дзæуджыхъæуы базарадон-экономикон техникумы ахуыр кæны бирæ адæмыхæттыты минæвæрттæ. Фæлæ сæ бæрæгбон сарæзтой иумæ. Уый хæлардзинады нысан у. Алчидæр сæ, кæсгон уа, украинаг æви сомихаг, йæ равдыст бацæттæ кодта мадæлон æвзагыл. Ацы аз Дзæуджыхъæуы базарадон-экономикон техникумыл æххæст кæны æнæхъæн æнус. Æнусы дæргъы ардыгæй æрвылаз рацæуы æцæг дæснытæ. Техникумы директор куыд загъта, афтæмæй сæм юбилейæн иу бон рауæлдай кæнын гыццыл фæкаст. Кадджын мадзæлттæ араздзысты æнæхъæн афæдз. Ахуыргæнæндон каст чи фæци, ирон адæмы ном бæрзонд чи систа, йæ царды фылдæр хай техникумæн чи радта, уыдон бирæ сты. Нæ сæ рох кæнынц абоны фæлтæртæ. Къултыл - сæ къамтæ. Хъуамæ сæ абоны ахуырдзаутæ дæнцæг исой æмæ сæ сæрбæрзонд уой. Хæлардзинады бæрæгбонмæ техникуммæ саккаг кодтой уазджытæ. Се `хсæн - нæ республикæйы национ ахастдзинæдты министр, адæмты хæлардзинады хæдзары директор æмæ националон-культурон æхсæнæдты минæвæрттæ. Уыдон студентты схорзæхджын кодтой Кады гæххæттытæй. Хъуамæ ма сыл бафта, уымæн æмæ сæ бæрæгбæтты кæронбæттæн æрцæудзæн 22-æм октябры. Сæдæ азы размæ уыцы бон Дзæуджыхъæуы базарадон-экономикон техникум йæ дуæрттæ байгом кодта фыццаг хатт. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv