Тæмисчъы йæ куыст æххæст кæны менеджменты проектон скъола «Научный хакатон»

Проект раст скæнын æмæ рамбулын грант наукон куыстæн. Ныр ахæм гæнæн фæзынди нæ бæстæйы цалдæр уæлдæр ахуыргæнæндоны студенттæн. Æртæ боны дæргъы Тæмисчъы кусдзæн Менеджменты проектон скъола «Научный Хакатон». Йæ райрæзтыл бакуыстой Хæххон паддзахадон аграрон университеты. 20 студенты нæ бæстæйы регионтæй ацæудзысты сæрмагонд курсытæ. Менеджменты проектон скъолайы ма ноджыдæр цы фæлтæрддзинад райсыны фадат ис, уый базыдта нæ уацхæссæг Дзæдзойты Фатимæ. Мæскуыйы паддзахадон педагогон университеты студенткæ - Полина Деревенцева рагæй фæнд кодта проекттæ фыссын. Фæлæ йын-иу куы рæстæг нæ фæци, куы та фадат. Йæ ныхæстæм гæсгæ, фæсивæдæн ныртæккæйы рæстæджы ацы хъуыддаг у хъæугæ. Цæгат Ирыстоны Менеджменты проектон скъолайы уыцы фæлтæрддзинад райсыны фадат ис, уый куы базыдта, уæд балæвæрдта йæ курдиат. Полина Деревенцева, Мæскуыйы педагогон паддзахадон университеты студенткæ: «Проект раст ныффысын зын у. Хъуамæ дæм уа хъæугæ зонындзинæдтæ. Æнæ уыдонæй йæ раст саразын нæ рауайдзæн. Ныфс мæ ис, ам кæй сæххæст кæндзынæн мæ фæнд æмæ ахуырты фæстæ ме `мбæлттимæ кæй ныффысдзыстæм нæхи проект æмæ грант кæй рамбулдзыстæм, уый». Менеджменты проектон скъола «Научный Хакатон» арæзт у æрыгон студенттæй наукæйы чи архайы, уыдонæн. Сæйраг нысан - курдиатджын фæсивæдæн сæрмагонд ахуырты фæрцы бацамонын проекттæ раст аразын æмæ презентаци кæнын. Архайынц дзы Мæскуы, Ростов, Грознæ æмæ Дзæуджыхъæуы уæлдæр ахуыргæнæндæтты студенттæ. Се `хсæн кусгæ чи кæны, уыцы фæсивæд дæр. Валерия Крыжановская, Сывæллæтты технопарк «Кванториум»-ы специалист: «Æз кусын сывæллæтты технопарк «Кванториум»-ы. Проект ныффысынмæ мæм ис фæлтæрддзинад. Фæлæ мæ фæнды хъуыддаг хуыздæр базонын. Цæмæй, ног проект куы цæттæ кæнон, уæд æппæт лыстæгдзинæдтæ хынцгæйæ саразон. Уымæй уæлдай ма, ацы зонындзинæдтæ мæ бон уыдзæн сывæллæттæн дæр бацамонын. Уыдонæй дæр бирæты фæнды фидæны гранттæ рамбулын. Уый тыххæй та æнæмæнгæй хъæуы проект раст бацæттæ кæнын». Менеджменты проектон скъола «Научный Хакатон»-ы райрæзтыл бакуыстой Хæххон паддзахадон аграрон университеты. Уый уæлдæр ахуыргæнæндæтты студентты проектты æппæтуæрæсеон конкурсы фæлгæты. Афтæмæй, æрыгон ахуыргæндтæ ацæудзысты социалон проектировани, брендинг æмæ нысаниуæг кæй хонынц, ахæм курсытæ. Уымæй уæлдай ма фембæлдзысты, уæлдæр ахуыргæнæндæтты æмæ паддзахадон оргæнты грантты программæтыл чи бакуыста, уыдонимæ. Ахуыртæ цæудзысты æртæ боны, Тæмисчъы. Сæ архайджытæ кæронбæттæны сараздзысты æмбалад. Уым сæ бон уызæн сæ фæлтæрдзинадæй кæрæдзийæн фæхай кæнын. Афтæмæй, наукæйы цы студенттæ архайы, уыдон æххуыс кæндзысты кæй хъæуа, уыдонæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv