Тускъаты Таймураз разамынд лæвæрдта республикæйы хицауады æмбырдæн

Республикон клиникон рынчындонæн рахай кæндзысты æхцайы фæрæзтæ туаггуырласæн цистернæ балхæнынæн. Уый тыххæй хицауады æмбырды фехъусын кодта республикæйы æнæниздзинад хъахъхъæнынады министры хæстæ рæстæгмæ æххæстгæнæг Тебиаты Сослан. Уымæй уæлдай ма куыд фæнысан кодта, афтæмæй 2020-æм азы мартъийæ 2021-æм азы августы онг "сырх зонæйы" чи куыста, уыдонæн ратдзысты гранттæ æмæ субсидитæ уæлдæр ахуырад райсынæн. Фæнысан кодтой социалон фиддонты фарста дæр. Афтæ, Беслæны терракты цы сывæллæттæ фæмард, уыдоны хъомылгæнджыты пенсийыл æрвылмæй æфтдзæн 3 мин сомы. Раздæр ацы æххуыс истой æрмæст ныййарджытæ. Æрныхас кодтой сывæллæтты дзæбæхгæнæн æмæ улæфыны регионалон программæйыл дæр. Сарæзтой йæ республикæйы сæргълæууæджы хæстæ рæстæгмæ æххæстгæнæг Сергей Меняйлойы бардзырдмæ гæсгæ. Ныхас кодтой фæндæгты тыххæй дæр. Цæмæй сæ сног кæной, уый тыххæй 2021-æм азы Уæрæсейы фæстауæрцгæнæн фондæй рахай кодтой 200 милуан сомæй фылдæр. Уыцы æхцайы фæрæзтæй кæронмæ сцалцæг кæндзысты Мамысоны фæндаджы тъунел. Уымæй уæлдай Фиагдонæй Рассветмæ фæндаг æмæ Æрæфы районы цалдæр уынджы. Дзырдтой Чъириты æппæтуæрæсеон фестивалы тыххæй дæр. Ацæудзæн 20-æй 26-æм сентябрмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv