Дзанайты Барисы разамындæй ацыд РЦИ-Аланийы хицауады æмбырд

Украинæйы сæрмагонд æфсæддон операцийы рæстæг Цæгат Ирыстоны æфсæддонтæй чи фæцæф, уыдонæн бафиддзысты иухаттон фиддон. Уый тыххæй хицауады æмбырды фехъусын кодта республикæйы фæллой æмæ социалон райрæзты министр Айдарты Алинæ. Йæ ныхæстæм гæсгæ, йе 'нæниздзинад кæмæн фæцудыдта, уыдон райсдзысты 300 мин сомæй 500 мин сомы онг. Фиддонтæ æххæст кæндзысты Цæгат Ирыстоны хицауады фæстауæрцгæнæн фондæй. Уымæй уæлдай ма хицауады уæнгтæ æрдзырдтой хъæууон-хæдзарадон продукцийы бæрцыл. 2021-æм азы фæфылдæр 9,7%, 2020-æм азимæ абаргæйæ. Уый та у 40 млрд æмæ 700 млн сомы. Фосдарыны куысты бæрæггæнæн та фæфылдæр 22,4%. Цæгат Ирыстоны 2021-æм азы социалон-экономикон райрæзты хатдзæгты тыххæй фехъусын кодта экономикон райрæзты министр Кучиты Зауыр. Куыд фæнысан кодта, афтæмæй пандемийæ фарон зынгæ ивддзинæдтæ бахаста царды æппæт къабæзтæм дæр. Фæлæ уæддæр сæрмагонд мадзæлтты руаджы экономикон бæрæггæнæнтæ ма фæныллæгдæр кæнын бантыст. Фарон ма уæлдай æргом здæхт æрцыд кæсагдарыны куыстмæ. Республикæйы бантыст валер кæсаджы бæрц дыууæ хаттмæ ‘ввахс фæфылдæр кæнын иу афæдзмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv