Цæгат Ирыстоны дарддæр цæуы коронавирусы ныхмæ вакцинаци

Дзæуджыхъæуы 7-æм поликлиникæйы райдыдта вакцинаци препаратæй «ЭпиВакКорона», зæгъгæ. Уый тыххæй дзæбæхгæнæндонмæ сластой 220 дозæйы. «ЭпиВакКорона» — у «Спутник V»-йы фæстæ дыкккаг хос. Пайда дзы кæнынц коронавирусы ныхмæ вакцинаци кæнынмæ. Бакуыста йыл вирусологи æмæ биотехнологийы Паддзахадон наукон центр «Вектор», зæгъгæ. Вакцинæ æнтыстджынæй ацыд клиникон иртæстытæ. Йæ фыццаг парти 1 мин 620 дозæйы байуæрстой республикæйы алы медицинон пункттыл. Тых дзы ис ног низы алыхуызон штаммты ныхмæ. «ЭпиВакКорона» аразынц 2 хайæ, æмæ æрмæстдæр дохтырты басгæрсты фæстæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv