Акци #Мы вместе-йы архайджытæ Тагъд æххуысы клиникон рынчындоны дохтыртæн æрбаластой адджинæгтæ

Акци #Мы вместе-йы архайджытæ Тагъд æххуысы клиникон рынчындоны дохтыртæн æрбаластой адджинæгтæ. Фидæны хæринаггæнджытæ Техникумы директор Абиты Валериимæ иумæ скодтой адджын гуылтæ бал, фæткъуы æмæ мæнæргъыимæ. Медицинон куыстуат ныр æртыккæгæм мæй исы æрмæст короновирусæй рынчынты. Дохтыртæ бузныг загътой бархионтæн, кæй сæ нæ рох кæнынц, уый тыххæй. Æппæтуæрæсеон адæмон фронты фæсивæд акци #Мы вместе-йы фæлгæты æххуыс кæнынц медицинон уагдæттæн. Ифтонг сæ кæнынц хъæугæ кусæнгæрзтæй. Коронавирусæй рынчынтæй хæдзары йæхи чи дзæбæх кæны, уыдонæн ласынц хостæ. Уымæй уæлдай ма архайынц акци «Тележка Добра»-йы. Активисттæ скæнынц хойрæгты чыргъæдтæ æмæ сæ фæхæццæ кæнынц, фæкæсын кæмæ хъæуы, ахæм адæмæн. Ныр акцимæйы архайын райдыдта Дзæуджыхъæуы базарадон-экономикон техникум дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv