Дæллаг Зæрæмæджы уадзæн пункты нæлгоймаг хъавыд æнæсæрмагонд уагæй арæнты сæрты тамако æрбасласын

Контролон уадзæн пунктты кусджытæ тох кæнынц паддзахадон арæнты уылты контрафактон товартæ цæмæй ма ласой. Дæллаг Зæрæмæджы уадзæн пункты рабæрæг кодтой æнæсæрмагонд уагæй арæнты сæрты тамако æрбасласынмæ чи хъавыд, уыцы 57-аздзыд Уæрæсейы цæрæг нæлгоймаджы. Цæгат Ирыстоны таможнæйы кусджытæ, хæдтулгæ басгаргæйæ, ссардтой 30 мин тамакойы пачкæйæ фылдæр. 1 милуан æмæ 400 мин сомы бæрцмæ `ввæхс сын аргъгонд æрцыд. Ныртæккæ бæрæг кæнынц, дарддæр ын цы уынаффæ рахæсгæ у, уый. Æмтгæй райсгæйæ, 2020-æм азы Уæллаг Ларсы æмæ Дæллаг Зæрæмæджы уадзæн пунктты рабæрæг 30 ахæм æнæзакъон хъуыддаджы. Уыдоны хсæн артаг, карз нозт æмæ тамакойы продукци, уымæй уæлдай ма адæмы цæмæй фæлхас кæнынц, ахæм продукци - парфюмери, уæлæдарæс. Контрабандон товарты иумæйаг аргъ рауад 1 милуан сомы. Арæнхъахъхъæнджытæ зæрдыл лæууын кæнынц, паддзахадон арæнты уылты æнæсæрмагонд уагæй товар чи ласы, уыцы закъонхалджытæ æфхæрд кæй æрцæудзысты административон, кæнæ уголовон æгъдауæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv