Дудайты Вадим ссис уæлахиздзау, парти «Иугонд Уæрæсе» цы акци сарæзта, уым

«Иугонд Уæрæсе» арфæ ракодта Мариинаг театры солист Дудайты Вадимæн ирон æвзагыл зарæг «День Победы» æппæтæй хуыздæр кæй азарыд, уый тыххæй. 9 майы парти сарæзта акци зарæг «День Победы» иронау азарын. Алкæй бон дæр уыд ацы акцийы бацархайын. Ацы зарæг æдæппæтæй азарыдысты милуан хаттæй фылдæр, 132 æвзагыл. Нæ республикæйæ дзы архайдтой культурæйы архайджытæ, артисттæ, зарæггæнджытæ. Зарæг ирон æвзагмæ ратæлмац кодта поэт Баситы Зæлинæ. Жюрийы уæнгты уынаффæмæ гæсгæ, акцийы уæлахиздзауæй æвзæрст æрцыд Дудайты Вадим. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv