Нырыккон журналистикæйы форум «Æппæт Уæрæсе 2020» дарддæр йæ куыст кæны Сочийы

Нырыккон журналистикæйы форум «Æппæт Уæрæсе-2020» дарддæр йæ куыст кæны Сочийы. Ныридæгæн у 24-æм профессионалон фестиваль. Архайынц дзы дзыллон информацион фæрæзты кусджытæ бæстæйы алы регионæй дæр. Ацы аз дæр, раздæрау, форумы архайы Цæгат Ирыстоны делегаци. Сты 20 адæймагæй фылдæр. Краснодары крайы хиипæрддзинады фæткы домæнтæ кæй æххæст кæнынц, уый тыххæй форум байгом кæныны кадджын мадзал арæзт не ’рцыд. Тымбыл стъолы архайджыты нымæц 100 адæймагæй фылдæр хъуамæ ма уа. Фондз боны дæргъы - лекцитæ, дæсныйадæвдисæг ахуыртæ. Амонынц сæ фæлтæрдджын æмæ дæсны журналисттæ. Ныхас кæндзысты, дзыллон информацион фæрæзтæ ныры рæстæг, уæлдайдæр пандемийы тыххæй онлайн хуызтæм хизыны афон, сæ куыст куыд хъуамæ кæной, уый тыххæй. Хицæнæй æрдзурдзысты регионты телеканалты фидæныл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv