Беслæны 4-æм скъолайы сбæрæг кодтой Мадæлон æвзæгты æппæтдунеон бон

Мадæлон æвзæгты æппæтдунеон бон абон сбæрæг кодтой Беслæны 4-æм скъолайы. Ирон æвзаджы ахуыргæнджытæ бацæттæ кодтой равдыст. Радзырдтой алыхуызон адæмы хæттыты культурæ, æгъдæуттæ æмæ национ хæринæгты тыххæй. Скъоладзаутæ зæрдиагæй бацархайдтой мадзалы. Бæрæгбонмæ æрбахуыдтой æхсæнадон змæлд «Иры стыр ныхас»-ы минæвæртты. Уыдысты дзы Рахизфарсы районы администрацийы ахуырады хайады кусджытæ, Беслæны иннæ скъолаты ахуыргæнджытæ. Бæрæгбоны фæлгæты ма скъолайы арæзт æрцыд тымбыл стъол дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv