СПИД æмæ æндæр инфекцион низты ныхмæ тохы æмæ профилактикæйы республикон центры бындурыл кусы æххуыс

СПИДимæ тох кæныны республикон центры бындурыл ныр дыккаг аз кусы æххуысы номыр. Алы къабазы специалисттæ дзуапп дæттынц республикæйы цæрджыты фæрстытæн. Баст вæййынц коронавирусы инфекциимæ. Колл-центрмæ чи фæсиды, уыдонæн сæ бон у æрмæст хъæугæ информаци базонын нæ, фæлæ ма психологон æххуыс райсын дæр. Куыст ам нысангонд у бæлвырд фæткмæ гæсгæ. Специалисттæ дзуапп ратдзысты алы фарстæн дæр. Уыимæ канд хъæугæ информаци нæ, фæлæ ма бакæнынц психологон æххуыс дæр. Колл-центры кусджытæ йæ хорз хъуыды кæнынц, пандемийæйы райдиан сын зын кусæн кæй уыд, уый. СПИДы ныхмæ тох кæныны центры бындурыл æххуысы номыр кусын райдыдта ивгъуыд аз 13 мартъийы. Уæд иу суткæмæ истой 10 мин хъусынгæнинаджы. Республикæйы цæрджыты, куыд æппæт дунейы адæмы дӕр, афтӕ тас бацыд. Нæ йæ зыдтой, хи куыд бахъахъхъæной æмæ æмæ сæ фарстатимæ кæдæм бахатой, уый. Æххуысы къух сæм бадардтой медицинон кусджытæ. Æххуысы номырæн йæ куыст иу минут дæр нырма не 'рлæууыд. Бастдзинад ис æрвылбон, уыимæ ма æхсæвæй-бонæй. Колл-центры ис алы къабазӕй 6 специалисты. Колл-центры кусджытæ æрвылбон нысан кæнынц, æрбадзурджыты нымæц кæй къаддæр кæны, уый. Куыд зæгъынц, афтæмæй сын уый у тынг æхсызгон. Низ цалынмæ бынтондæр басæттой, уæдмæ сæ архайд æрлæууынмæ нæ хъавынц. Уазиты Зæлинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv