Сергей Меняйло видеобастдзинады фæрцы аныхас кодта Уæрæсейы хицауады сæрдары хæдивæг Татьяна Голиков

Цæгат Ирыстоны медицинон уагдæтты ис коронавирусы ныхмæ фаг вакцинæтæ. Уый тыххæй Сергей Меняйло фехъусын кодта Уæрæсейы хицауады сæрдары хæдивæг Татьяна Голиковайæн. Ныхас кодтой онлайн хуызы. Рынчындæтты ма бацæттæ кодтой пациенттæн уæлæмхасæн бынæттæ. COVID-19 диагноз кæмæ ис, уыдоны маршрутизацийы системæ у нывылгонд. Республикæйы разамынд стыр æргом здахы вакцинациимæ баст мадзæлттæм. Цæгат Ирыстоны прививкæ чи скодта, уыдоны нымæц фæстаг дыууæ къуырийы æртæ хатты фæфылдæр. Уæлдай цæстдард, цæуы 60 азæй хистæр кары адæммæ. Социалон кусджытæ сын дохтыртимæ иумæ æмбарын кæндзысты прививкæйы ахадындзинад. Специалисттæ уыцы куыст кæнын райдайдзысты райсомæй фæстæмæ. Вакцинæ скæнын кæй фæнда, уыдоны сæрмагонд транспорт фæхæццæ кæндзæн медицинон уагдонмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv