Дзæуджыхъæуы администрацийы сæргълæууæг Фæрниаты Тамерлан сбæрæг кодта Фонтанты фæзы уавæр

Дзæуджыхъæуы администрацийы сæргълæууæг Фæрниаты Тамерлан сбæрæг кодта Фонтанты фæзы цалцæггæнæн куыстытæ. Морских пехотинцев уынгæй къахфæндаг сног кæндзысты «Формирование комфортной городской среды» федералон программæйы фæрцы. Фонтантæ нæ куыстой цалдæр азы, базилинаг уыдысты рагæй. Ныртæккæ куыстытæ райдыдтой. Фæндаджы уæлцъар уал систой, ивынц дондзæуæн хæтæлтæ. Уый къухы куы бафта уæд дзы æрæвæрдзысты ног асфальт, зæронд хуыз конд къæйдуримæ. Донцъирæнтæ дæр фонтанты ивд æрцæудзысты. Фæзындзæн ма дзы сывæллæттæн хъазæн фæзуат сæрмагонд уæлцъаримæ. Администрацийы сæргълæууæджы бардзырдмæ гæсгæ зымæгон дзы иу фæзындзæн ихыл бырæн фæз. Уымæй уæлдай велосипедисттæн рахай кæндзысты хицæн фæндаг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv