Хуссар æфсæддон зылды мотоæхсæг дæлхайадмæ бафтыд æрыгон хæстонты къорд Краснодары крайæ

Хуссар хæстон зылды мотоæхсæг дæлхайадмæ бафтыд æрыгон хæстонты къорд Краснодары крайæ. Сты 100-йæ фылдæр. Уæрæсейы хъахъхъæнынады министрады ахуырадон центртæй та – 200 кæстæр специалисты. Уалдзыгон æрсидты афон æппæт хæстонтæ дæр æрмæст социологон ахуыртæ нæ цæудзысты, фæлæ ма сын скæндзысты медицинон æркаст дæр. Уый фæстæ сæ дыууæ къуырийы дæргъы фæдардзысты карантины. Дыууæ сахатæй дыууæ сахатмæ сын лæвæрд цæудзысты медицинон маскæтæ, сæ цæрæнбынæттæ та дезинфекци кæндзысты, сыгъдæг уæлдæф мидæмæ уадздзысты æмæ дохтырты амынддзинæдтæ бындуронæй æххæст кæндзысты. Уый фæстæ хæстон ард бахæрдзысты. Æппæтæй ахсджиагдæр хъуыддаг у дамбацайæ æхсын сахуыр кæнын. Уымæй уæлдай ма хæстонтæ архайынц иумæйаг хæстмæ арæхсыныл дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv