Алагиры байгом уыдзæн ПЦР иртæстыты ног лаборатори

Коронавирусæн тестытæ кæм араздзысты, ахæм ПЦР-лаборатори байгом уыдзæн Алагиры сæйраг рынчындоны. Уый тыххæй уынаффæ рахаста республикæйы сæргълæууæджы хæстæ рæстæгмæ æххæстгæнæг Сергей Меняйло. Пандемийæйы рæстæг лаборатори у æнæмæнг хъæугæ, фæнысан кодта регионы разамонæг. Пайда дзы кæндзысты фидæны дæр. Дохтыртæн фадат уыдзæн низ рагагъоммæ рабæрæг кæнын æмæ афойнадыл дзæбæх кæныны мадзæлттæ аразын. ПЦР-лаборатори дзуапп дæтдзæн санитарон-эпидемиологон æдасдзинады нырыккон домæнтæн. Лабораторимæ æцæгæлонæн бацæуыны бар нæ уыдзæн. Куыд раздæр, афтæ цæрджытæ COVID-19 иртæстытæ дæтдзысты поликлиникæйы, кæнæ сæ хæдзæртты. Ног кусæнгарзы фæрцы пациенты тесты хатдзæг райсæн уыдзæн раздæр. Уый та зынгæ фæрогдæр кæндзæн дохтыры къух. Тæссаг низ кæмæ рабæрæг, уый дæр æххуысмæ бирæ æнхъæлмæ кæсын нæ хъæудзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv