ЦИПУ йы уырыссаг филологийы факультеты арвыстой сæ бæрæгбон

Æвзагзонынад æмæ литерæтурæйæн аргъгæнджытæ. Сæ профессионалон бæрæгбон абон у филологиимæ йæ цард чи сбаста, уыдон. Кадджын мадзал бацæттæ кодтой ЦИПУ-йы уырыссаг филологийы факультеты. Музаты Азæмæты филолог суæвын рагæй фæндыд. Йæ фæндон сæххæст æмæ абон у ирон филологийы факультеты студент. Лæппу æмбары, куыд ахсджиаг у ацы къабазы фæндаг. Архайы ирон æвзаджы сусæгдзинæдтæ бæстондæрæй базоныныл æмæ сæ дарддæр парахат кæныныл. Æхсызгон ма у, йæхи поэзи æмæ наукон куысты кæй фæлвары, уый. Фæсивæдæн сæ курдиæттæ раргом кæныныл архайынц фæлтæрдджын ахуыргæнджытæ. Уымæ гæсгæ студенттæн алы ахуыры бон дæр у ахсдзиаг æмæ æхсызгон. Сæ профессионалон бæрæгбонмæ та æрвылаз дæр сæхи бацæттæ кæнынц зæрдиагæй. Бæрæгбон арæзт æрцыд уырыссаг филологийы факультеты. Студенттæн бакастысты бæрæгбонимæ баст лекцитæ. Суинаг филологтæ та сæ куысты мидæг сæйрагдæрыл нымайынц сæ дæсныйад æмæ æвзагзонынадмæ уарзондзинад парахат кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv