Гимнази «Диалог»-ы цæуынц ахуыртæ робототехникæйæ

Къухæй алыхуызон роботтæ æрымбырд кæнын. Афæдзæй фылдæр гимнази «Диалог»-ы кусы программированийы кълас. Байгом æй кодтой нацпроект «Ахуырад»-ы руаджы. Уыимæ ма ахуыртæ сты лæвар. Къордты ис 8 - 17 -аздзыд сывæллæттæ. Ныридæгæн дæр гимназмӕ исынц ахуыргæнинæгты. Куыстытæ фенын æмæ дзы бацархайынæн та бацæттæ кодтой цымыдисаг дæсныйадæвдисæн ахуыртæ. Максим Колесниченкойыл цæуы 10 азы. Йæ гыццыл къухты цы сæдæгай алыхуызон лыстæг хæйттæ æмæ телтæй вæййы, уыдонæй рауайы цымыдисаг æмæ пайда дзауматæ. Йæ сабибонтæй фæстæмæ йæ уарзондæр хъазт — конструктор. Фыццæгты архайын райдыдта легойæ. Ныридæгæн лæппу цæсты фæныкъуылдмæ амбырд кæны алыхуызон конструкцитæ. Робототехникæйы йæхи афæдз фæлвары, фæлæ йын ацы къабазы ныридæгæн бирæ бантыст. Программированиимæ йæ фидæн чи сбæтдзæн, уыдоны 'хсæн Александра Захарова. Чызгыл цæуы 12 азы. Йе стрырдæр бæллиц у йе 'нæниздзинад хъыгдæрд кæмæн у, уыцы адæмы цард фенцондæр кæнын. Конструктортæ сæ арæзтмæ кæсгæ сты алыхуызон къæпхæнты. Хæслæвæрдтæ пайда сты логикон хъуыдыкæнынады райрæзтæн æмæ лыстæг архайдæн. Фæсивæдæн робототехникæ хуымæтæджы хиирхæфсæн мадзал нæу. Алы ахуыртæ дæр сын сты зæрдæмæдзæугæ. Сывæллæттæ скъолайы цы æнкъарæнтæ æмæ зонындзинæдтæ райсынц, уыдон сын, æнæмæнгæй, баххуыс кæндзысты фидæны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv