Цæгат Ирыстоны бирæуæладзыгон хæдзæртты цæрджытæ бындурон цалцæгæн нæ фидынц

Цæгат Ирыстоны бирæуæладзыгон хæдзæртты цæрджытæ бындурон цалцæгæн нæ фидынц. Сæ хæстæ схызтысты 1 миллиард æмæ 400 милуан сомы онг. Æдæппæтæй нæ республикæйы ис 105 хицæн хыгъды, ома хæдзæртты цы фатертæ ис, уыдонæй бындурон цалцæггæнæн куыстытæм гæсгæ республикон программæмæ кæй бахастой, ахæмтæ. 2015 азæй фæстæмæ фæлхасгæнджытæ æдæппæтæй схæс кодтой 1 миллиард æмæ 400 милуан сомы. Уый тыххæй хъусын кæны нæ республикæйы цæрæнуæтты-коммуналон хæдзарады министрады пресс-службæ. Сæ бæрæггæнæнтæм гæсгæ, 2020 азы куыстыты тыххæй хæстæ æмбырд кæныны æмвæзад фæуæлдæр кодтой 34%. Пандемийæйы æппæты уæззаудæр рæстæг та 21% фæкъаддæр ис, фæлæ ивгъуыд мæйы фæстæмæ 31% фæфылдæр. Зæгъдзыстæм ма уый, æмæ ацы азы æмгъуыдмæ регионалон оператор арвыста хæс бафидыны тыххæй 2 мин курдиатæй фылдæр. Æдæппæттæй 34 милуан 500 мин сомæн. Ацы аз адæмæн баххуыс кæныны мадзæлтты фæлгæты æнæфыст фиддонты тыххæй иваргонд нæ цæудзысты 2021 азы 1 январы онг. Фæлæ 2021 азы пенни æфтауын æмæ ивар кæнын фæстæмæ райдайдзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv