Паддзахадон автоинспекцийы кусджытæ аразынц профилактикон рейдтæ

Паддзахадон автоинспекцийы кусджытæ дарддæр аразынц профилактикон рейдтæ. Инспектортæ сæ цæст дарынц, Дзæуджыхъæуы æмæ нæ республикæйы районты адæмы фылдæр змæлд кæм ис, уыцы бынæттæм.  Уромынц фæндаггон фæтк чи халы, уыцы фистæгцæуджыты æмæ хæдтулгæты шофырты. Ныхас кæнынц, фæндаггон змæлды домæнтæ чи не `ххæст кæны, уыдонимæ. Фæндаггон фыдбылызтæ арæх æрцæуынц нозтджын шофырты аххосæй. Ацы азы райдианæй республикæйы æрцыд 350 фæндаггон фыдбылызы, фæмард 44 адæймаджы, фæцæфтæ дзы 508. Сæ фылдæр æрцыдысты, хæдтулгæтыл тагъд цæуын чи уарзы, ахæмты аххосæй. Бафтаудзыстæм ма уый, æмæ, нозтджынæй хæдтулгæ скъæргæ кæй æрцахсой, уыдон бафиддзысты 30 мин сомы ивар. Дыккаг хатт закъоны сæрты чи ахиза, уыдонмæ та æнхъæлмæ кæсы уголовон бæрнондзинад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv